Оңтүстік Кореяның Чангвон қаласында өтіп жатқан Changwon 2026 WSPS World Championships
пара оқ атудан әлем чемпионатында Қазақстан құрамасы командалық сайыста
қола жүлдеге ие болды.

Қазақстан командасы R1 – 10 метр қашықтыққа пневматикалық винтовкадан ату дисциплинасында
1854,4 ұпай жинап, жарыстың қола жүлдегері атанды. Команда құрамында Астана
қаласының спортшысы Ардақ Оторбаев сәтті өнер көрсетті.

Жарыс қорытындысы бойынша:

• 🥇 Корея – 1867,1 ұпай
• 🥈 Үндістан – 1856,3 ұпай
• 🥉 Қазақстан – 1854,4 ұпай

Айта кетейік, тірек-қимыл аппараты зақымданған спортшылар арасында пара оқ атудан әлем
чемпионаты 10–15 қыркүйек аралығында өтуде. Байрақты бәсекеге 53 елден 350-ге жуық спортшы
қатысып жатыр.

Аталмыш жарыста ел намысын Астана қаласының атынан Севда Алиева, Айгерім Тулегенова,
Никита Ермаков, Айсұлу Мұқашбекова, Александр Пасхалиди және Ардақ Оторбаев қорғайды.