Чехияда боччадан Pilsen 2026 World Boccia Challenger халықаралық турнирі өтуде. Астана қаласының
спортшысы, Қазақстан құрамасының мүшесі Итиана Шыңғысханова жарыста
алтын медаль жеңіп алды.

Столицалық спортшы турнирдің барлық кезеңінде сәтті өнер көрсетіп, топтық кезеңдегі
кездесулерінің барлығында жеңіске жетті.

Топтық кезеңде Итиана Шыңғысханова:

• Израиль спортшысы Орель Якоовты — 9:3
• Жаңа Зеландия спортшысы Хлоя Стуртты — 7:3
• Словакия спортшысы Кристина Кудлацовты — 5:2

есебімен жеңді.

Жартылай финалда Астана спортшысы Грекия өкілі Элисавет Иосифидумен кездесіп, 8:1
есебімен жеңіске жетіп, финалға жолдама алды.

Шешуші кездесуде Итиана Шыңғысханова Израиль спортшысы Орель Якоовпен қайта кездесіп,
10:1 есебімен басым түсті.

Осылайша, Итиана Шыңғысханова Pilsen 2026 World Boccia Challenger халықаралық турнирінің
жеңімпазы атанып, Қазақстан қоржынына алтын медаль салды!

Спортшымызды жеңісімен құттықтаймыз!