Рубрика: Жаналыктар

2026 жылғы 16–21 маусым аралығында Индонезияның Бали қаласында WKF нұсқасы бойынша пара каратэден V Азия чемпионаты өтті. Байрақты бәсекеге Азияның 7 елінен келген үздік спортшылар қатысып, құрлықтың ең мықты пара каратэшілері анықталды.

Қазақстан ұлттық құрамасы жоғары дайындық деңгейін көрсетіп, жалпыкомандалық есепте І орынды иеленді. Отандастарымыз 2 алтын және 3 қола медаль жеңіп алып, ел намысын абыроймен қорғады.

Жеңімпаздар мен жүлдегерлер:

🥇 Ләззат Жүсіпова – Азия чемпионы
🥇 Нұржайна Жаннетова – Азия чемпионы
🥉 Рустам Билялов – қола жүлдегер
🥉 Азиза Ибраимова – қола жүлдегер
🥉 Ерлан Нұрмағамбетов – қола жүлдегер

Continue reading «Қазақстан пара каратэ құрамасы Азия чемпионатында топ жарды»

«Паракаратэ федерациясы» РҚБ пара-каратэні насихаттауға, дене белсенділігін арттыруға және қатысушыларды осы спорт түрінің негіздерімен таныстыруға бағытталған балаларға арналған оқыту семинарын өткізді.

Іс-шара барысында балалар пара-каратэ техникасының негізгі элементтерін меңгеріп, аталған спорт түрінің ережелері мен философиясымен танысты, сондай-ақ тәжірибелі жаттықтырушылар мен нұсқаушылардың жетекшілігімен практикалық сабақтарға қатысты. Қозғалыс үйлесімділігін, тәртіпті, өзіне деген сенімділікті дамытуға және спортпен тұрақты айналысуға деген қызығушылықты қалыптастыруға ерекше көңіл бөлінді.

Семинар жылы әрі достық жағдайда өтіп, қатысушыларға жаңа білім, жарқын әсерлер мен салауатты өмір салтын ұстануға қосымша ынта сыйлады. Федерация алдағы уақытта да инклюзивті спортты дамытуға және балалар үшін тең мүмкіндіктер жасауға бағытталған жобаларды жүзеге асыруды жалғастырады.

«Паракаратэ федерациясы» РҚБ бас серіктесі «Самұрық-Қазына» АҚ-ға және серіктесі «Sport Qory» корпоративтік қорына семинарды ұйымдастыруға және өткізуге көрсеткен қолдауы үшін шынайы алғысын білдіреді. Сіздердің қолдауларыңыздың арқасында Қазақстанда пара-каратэ дамып, әлеуметтік маңызы зор іс-шаралар өткізіліп, ерекше қажеттіліктері бар балалар үшін жаңа мүмкіндіктер жасалуда. Сіздердің үлестеріңіз инклюзивті спортты нығайту мен болашақ чемпиондарды тәрбиелеудің маңызды бөлігі болып табылады. Continue reading «Серіктестердің қолдауымен балаларға арналған пара-каратэ бойынша оқыту семинары өтті»

Қазақстанның пара-каратэден ұлттық құрамасының Азия чемпионатына дайындығы бірнеше кезеңде өтіп, оқу-жаттығу жиындарын, техникалық, тактикалық және дене дайындығын жетілдіруді, сондай-ақ спортшылармен психологиялық жұмысты қамтыды.

Жаттықтырушылар құрамы әрбір спортшыға оның мүгедектік санаты мен ката бағдарламасындағы өнер көрсету ерекшеліктерін ескере отырып, жеке көзқарас танытты. Оқу-жаттығу жиындары барысында спортшылар күн сайын жарыс бағдарламаларын пысықтап, төзімділігін арттырып, техникалық тәсілдерді орындау жылдамдығы мен қимылдарының дәлдігін жетілдірді. Дайындық деңгейін маусымның басты додасы қарсаңында бағалауға мүмкіндік берген бақылау жаттығулары тұрақты түрде өткізілді.

Қазақстанның пара-каратэден ұлттық құрамасы Азия чемпионатына дайындық барысында көрсеткен жан-жақты қолдауы үшін бас серіктес – «Самұрық-Қазына» АҚ-на және серіктес – «Sport Qory» корпоративтік қорына шынайы алғысын білдіреді.

 

Continue reading «Қазақстан құрамасының пара-каратэден Азия чемпионатына дайындығы»

Техникалық-тактикалық дайындық Азия чемпионаты қарсаңында пара-каратэшілерді даярлаудың негізгі бағыттарының бірі болып табылады. Оның басты мақсаты – ката орындауда жоғары дәлдікке, қимылдардың толық үйлесімділігіне, орындау мәнерлілігіне және спортшылар арасындағы өзара түсіністіктің жоғары деңгейіне қол жеткізу.

Дайындықтың негізгі міндеттері:
* ката орындау техникасын жетілдіру;
* қимылдардың, ырғақ пен қарқынның толық сәйкестігін қамтамасыз ету;
* тұрыстардың тұрақтылығын және орын ауыстырудың дұрыстығын арттыру;
* тыныс алуды, шоғырлануды және кимэді жетілдіру;
* үйлесімділік пен серіктесті сезіну қабілетін дамыту;
* бункай орындауға дайындау.

Continue reading «Пара-каратэшілердің Азия чемпионатына техникалық-тактикалық дайындығы»

Менің қызым Жаннетова Нуржайна Аманжоловна бала кезінен интелектуалды ауытқуы бар екінші топ мүгедегі.

Continue reading «Менің қызымның жолы»

Жүсіпова Ләззат Максимовна – пара-каратэден Қазақстан Республикасының халықаралық дәрежедегі спорт шебері, бейімдік дене шынықтыру магистрі, Азияның бес дүркін чемпионы, әлем чемпионатының қола жүлдегері және 2026 жылдың қорытындысы бойынша К10 санатында (көру қабілеті төмен және зағип әйелдер, «ката» бағдарламасы) Дүниежүзілік каратэ федерациясының (WKF) әлемдік рейтингінің көшбасшысы. Ол «Елорда» мүмкіндігі шектеулі жандарға арналған спорт клубының намысын қорғайды және пара-каратэ бойынша өз санатындағы әлемдегі ең мықты спортшылардың бірі болып табылады.

Ләззаттың өмір жолы – қайсар рухтың, батылдық пен мақсаткерліктің жарқын үлгісі. 1989–2000 жылдары ол Целиноград қаласындағы балалар үйінде тәрбиеленіп, сол жерде өз бетінше өмір сүруді, жауапкершілікті және кез келген қиындықты еңсеруді үйренді. Мектепті тәмамдаған соң Л.Н. Гумилев атындағы Еуразия ұлттық университетінің журналистика факультетінде білім алды.

2010 жылы оның өмірі түбегейлі өзгерді. Ауыр жол-көлік оқиғасының салдарынан Ләззат көру қабілетінен айырылып, жамбас буынын эндопротездеу бойынша күрделі отадан өтті. Осындай ауыр сынақтарға қарамастан, ол белсенді өмірден бас тартқан жоқ. Керісінше, спорт оның күш-қуат көзіне, жаңа жігеріне және өмірді қайта бастаудың мүмкіндігіне айналды.

Continue reading «Ләззат Жүсіпова: қайсар рух пен жарқын жеңістер жолы»

Рокетас-де-Мар (Испания) қаласында 6-15 мамыр аралығында есту қабілеті зақымданған спортшылар арасында шахматтан Әлем чемпионаты өтті. Жарысқа 30 елден 120 спортшы бақ сынады.

Қазақстандық спортшылар сәтті өнер көрсетіп, жоғары нәтижелерге қол жеткізді.

Жарыс қорытындысы бойынша:
🏅 Қожахметов Сұлтан — рапидте жекелей сында күміс медаль иегері , классикадан командалық есепте қола жүлдегері атанды.

🏅 Усманов Диас — юниорлар арасында классикадан күміс, рапидтен қола медаль жеңіп алды.

🏅 Ерлер құрамасы командалық рапидте күміс жүлдеге ие болды.

👏 Сонымен қатар Муратова Алия жеке рапид бойынша әлемнің үздік ондығына енді.

Доданы Халықаралық зағиптар спорт қауымдастығы (IBSA) ұйымдастырды. Қазақстан зағиптар спорт қауымдастығының төрағасы Медет Байкеннің айтуынша халықаралық Grand Prix турниріне 24 елден 137 спортшы қатысады.

«Бұл – Қазақстанда алтыншы рет ұйымдастырылып отырған дәстүрлі дода болса, оның бесеуі елордада өткен. Мұндай жарыстар қазақстандық спортшылардың халықаралық деңгейде тәжірибе жинап, шеберлігін шыңдауына үлкен мүмкіндік береді. Биылғы турнирде әлем чемпиондары мен пара дзюдоның үздік спортшылары бақ сынайды.
Айту керек, жарыс Халықаралық дзюдо федерациясы (IJF) және Халықаралық зағиптар спорт қауымдастығы (IBSA) бірлескен жобасы аясында ұйымдастырды. Сондықтан халықаралық деңгейдегі үздік төрешілер шақырылып, дода жоғары талаптарға сай өтіп жатыр. Қазақстан құрамасы бұл жарысқа жаңартылған құраммен қатысатынын атап өтті. Қазіргі таңда жас спортшыларға үлкен сенім артылып отыр. Сондай-ақ осы турнир қорытындысы бойынша күзде Жапонияда өтетін Азия ойындарына баратын ұлттық құрама жасақталады», – деді ол.

Айта кетейік, жарыс барысында 2028 жылы АҚШ-тың Лос-Анджелес қаласында өтетін Паралимпиадаға маңызды рейтингтік ұпайлар сарапқа салынады.

Жаһандық додада 8 салмақта жүлде жиынтығы сарапқа салынады. Ерлер 70, 81, 95, +95 келі салмақта белдесетін болса, әйелдер 52, 60, 70, +70 келіде жүлдеге таласады. Қазақстан құрамасының атынан 26 спортшы белдеседі.

Continue reading «Астанада Жақсылық Үшкемпіров атындағы жекпе-жек сарайында IBSA Judo Grand Prix Astana пара дзюдодан халықаралық турнирінің ашылу салтанаты өтті»

Талдықорған қаласында 3-11 мамыр аралығында көру қабілеті және тірек-қимыл аппараты зақымдалған спортшылар арасында пара садақ атудан Қазақстан Республикасының чемпионаты өтті.

Жарысқа еліміздің 6 өңірінен 60-қа жуық спортшы қатысты.

Астана қаласының спортшылары келесі нәтижелерге қол жеткізді:

🏹 Жасөспірімдер арасында (олимпиадалық айналым):
🥇 I орын — Ералы Ерболат
🥈 II орын — Дүйсембай Жанна
🥉 III орын — Аскарбекқызы Нісебелі

🏹 Командалық сайыс (блокты садақ ату, қыздар):
🥈 II орын — Ибраева Баян, Хасенова Сабина

🏹 Аралас командалық сайыс (блокты садақ ату):
🥉 III орын — Тырныхан Бердихан, Ибраева Баян

🏹 Аралас командалық сайыс (классикалық садақ ату):
🥉 III орын — Волошина Елена, Атняков Ильдар

Continue reading «Елордалық спортшылар пара садақ атудан ҚР чемпионатында жүлделі орындарға ие болды»

2026 жылғы 23 сәуір — 7 мамыр аралығында Алматы облысы, Алексеевка базасында пара дзюдодан Астана қаласында өтетін Гран При алдындағы оқу-жаттығу жиынының екінші кезеңі өтуде.

Аталған жиынға спорт клубымыздың атынан Ерғали Шәмей, Арыстанбеков Бауыржан және Нұрдәулетов Асылан қатысып, арнайы сүйемелдеушілермен бірге дайындық жұмыстарын жүргізуде.

Спортшыларымыз алдағы додаға тыңғылықты дайындалуда.