Автор: denis

15 наурыз – Республикалық референдум күні

Бүгін еліміз үшін маңызды саяси науқан – республикалық референдум өтуде. Осы орайда, Астана қаласы әкімдігінің «Мүмкіндіктері шектеулі тұлғаларға арналған «Елорда» спорт клубының» спортшылары, жаттықтырушылары, басшылығы және қызметкерлері азаматтық белсенділік танытып, референдумға қатысып, өз таңдауларын жасады.

Спорт клубының ұжымы ел болашағына бейжай қарамай, әр азаматтың дауысы маңызды екенін атап өтті.

Еліміздің дамуы мен жарқын болашағы үшін жасалған бұл қадам – ортақ жауапкершіліктің көрінісі.

11–13 наурыз аралығында «Алау» спорт кешенінде «Қамқорлық пен заң» жобасы аясында және Наурыз мерекесіне орай мүгедектігі бар спортшылар арасында пара оқ атудан Астана қаласының турнирі өтті.

Жарысқа Алматы, Ақмола, Қарағанды облыстары және Астана қаласының командалары қатысты.

8 наурыз – Халықаралық әйелдер күніне орай «Елорда» спорт клубының басшысы Азамат Жұмабекұлы жарысқа қатысушы аруларға гүл шоқтарын табыстап, мерекелік көңіл-күй сыйлады.

🏆 Турнир нәтижелері:

🥇 Оторбаев Ардак — R1
🥇 Тулегенова Айгерим — R2, R3
🥇 Федюкин Виктор — R5
🥇 Пасхалиди Александр — P1
🥇 Алиева Севда — P2

🥈 Оторбаев Ардак — R3
🥈 Тастемиров Кайрат — R4
🥈 Ермаков Никита — P1
🥇 Ермаков Никита / Алиева Севда — P6 (MIX)
🥇 Оторбаев Ардак / Тулегенова Айгерим – Р10 (MIX)

🥈 Пасхалиди Александр / Жылкышинов Айдос — P6 (MIX)
🥈 Федюкин Виктор / Тастемиров Кайрат — R11 (MIX)
🥉 Тастемиров Кайрат — R5
🥉 Федюкин Виктор — R4

Сонымен қатар, аталған жарысқа «Елорда» спорт клубының ұжымы да белсенді қатысып, жоғары нәтижелер көрсетті.

Қазақстандық пара биатлоншы Ербол Хамитов Италияда өтіп жатқан Паралимпиада ойындарында із қуу сайысында топ жарып, алтын жүлдені жеңіп алды.

Айта кетейік, бұған дейін ол пара шаңғы жарысынан қола жүлдеге ие болған еді.

Ербол Хамитовты тарихи жеңісімен шын жүректен құттықтаймыз! Бұл – тек спортшының жеке жетістігі ғана емес, бүкіл ел мерейін өсірген үлкен жеңіс. Сіздің табандылығыңыз бен мықты рухыңыз Қазақстан спортының абыройын асқақтатты.

Ел намысын қорғап, көк туымызды биікте желбіреткеніңіз үшін алғысымыз шексіз!

2026 жылғы 10-13 наурыз аралығында Паралимпиадалық жаттығу орталығында волейболды отырып ойнаудан жаттықтырушы Башенеев Азамат Әділбекұлын еске алуға арналған ардагерлер арасындағы Қазақстан Республикасының чемпионатының өтті.

Жарысқа Астана қаласы, Қарағанды, Батыс Қазақстан, Ақтөбе және Маңғыстау облыстарының командалары қатысты.
Жеңімпаздар:
1 -орын Ақтөбе облысы
2 — орын Маңғыстау облысы
3 -орын Астана қаласы

Айта кетейік, Азамат Әділбекұлы 2019–2023 жылдары «Елорда» спорт клубында волейболды отырып ойнау спорт түрінен жаттықтырушы болып қызмет атқарып, көптеген спортшылардың жетістікке жетуіне үлес қосты.

Бұл чемпионат – білікті жаттықтырушының еңбегін құрметпен еске алып, оның спорттағы ізін жалғастыруға арналған.

Италияда өтіп жатқан Қысқы Паралимпиада ойындарында Ербол Хамитов пара шаңғы жарысынан 1500 метр классикалық спринт санатында 2 минут 29 секунд нәтижемен мәреге жетіп, қола жүлдегер атанды!

Ерболға алдағы жарыстарда жаңа жеңістер тілейміз!

Құтты болсын, Қазақ елі!

2026 жылғы 5–8 наурыз аралығында Қарағанды қаласында тірек-қимыл аппараты зақымдалған спортшылар арасында пара таеквондодан Қазақстан Республикасының чемпионаты өтті. Аталған жарысқа еліміздің 16 өңірінен 80-ге жуық спортшы қатысты. Астана қаласының намысын 4 спортшы қорғап, жоғары нәтиже көрсетті:

Далиев Сиязбек – 1 орын (К41 санаты, 70 кг)
Омарова Толғанай – 1 орын (P33 санаты, пумсэ)
Фасхутдинова Эвилина – 1 орын (P35 санаты, пумсэ)

Астана қаласының спортшылары жарыста 3 алтын медаль жеңіп алып, жоғары дайындық деңгейін көрсетті.

Астана қаласындағы Паралимпиадалық жаттықтыру орталығында тірек-қимыл аппараты зақымданған спортшылар арасында пара пауэрлифтингтен Қазақстан чемпионаты өз мәресіне жетті. Ел біріншілігінде Астана қаласының спортшылары 3 алтын, 2 күміс және 1 қола медаль жеңіп алып, жалпыкомандалық есепте 4-орынға тұрақтады.

Елордалық спортшылардың нәтижелері:

• Надыров Вазир – 59 келіге дейінгі салмақта жеке есепте 133 кг көтеріп 1-орын алды; үш тәсіл қосындысы бойынша 380 кг нәтижесімен де 1-орын иеленді.
• Рахатұлы Қуаныш – 54 келіге дейінгі салмақта жеке есепте 122 кг көтеріп 1-орынға шықты; үш тәсіл қосындысы бойынша 232 кг нәтижесімен 3-орын алды.
• Байлин Қанат – 107 келіге дейінгі салмақта жеке есепте 154 кг көтеріп 2-орынды иеленді; үш тәсіл қосындысы бойынша 449 кг нәтижесімен де 2-орынды алды.

«Турнирге еліміздің 17 өңірінен 130-ға жуық спортшы 20 салмақ дәрежесі бойынша сынға түсті. Жарыс қорытындысы бойынша үздік өнер көрсеткен спортшылар ұлттық құрама сапына іріктеледі. Оған қоса, бұл бәсеке сәуір айында Бангкок қаласында (Таиланд) өтетін Азия чемпионатына іріктеу кезеңі болып табылады. Алдағы уақытта Қазақстан ұлттық құрамасы 6-11 наурыз аралығында Тбилисиде (Грузия) өтетін халықаралық турнирге аттанады. Спортшыларымыз аталған бәсекеде жоғары нәтижеге қол жеткізеді деген үміттеміз», — деді Дене мүмкіндіктері шектеулі тұлғаларға арналған спорттық даярлау орталығының пара пауэрлифтингтен команда басшысы Ұлан Ануар.

Жалпыкомандалық есепте бірінші орынды Қызылорда облысы иеленсе, екінші орын Жетісу облысына, үшінші орын Қостанай облысына бұйырды.

2026 жылдың 17–26 ақпан аралығында Тараз қаласында көру қабілеті және тірек-қимыл аппараты зақымданған жастар мен ересектер арасында шахматтан Қазақстан Республикасының чемпионаты өтті.

Республикалық додаға еліміздің 16 өңірінен спортшылар қатысып, өзара мықтыны анықтады.

♟ Рапид бағдарламасы бойынша жүлдегерлер:

🥇 1 орын – Майкенов Бакытжан
🥇 1 орын – Камбарова Айғаным
🥇 1 орын – Қуанышұлы Нұрғиса
🥉 3 орын – Шандаулетова Райгүл

♟ Классика бағдарламасы бойынша:

🥇 1 орын – Камбарова Айғаным
🥇 1 орын (жастар) – Қуанышұлы Нұрғиса
🥇 1 орын – Амантаева Батес
🥈 2 орын – Шандаулетова Райгүл
🥈 2 орын – Майкенов Бакытжан

Жеңімпаздар мен жүлдегерлерді шын жүректен құттықтаймыз!

20 ақпан — 8 наурыз аралығында Алматы қаласында ҚР ұлттық құрамасы сапында Нұрдаулетов Асылан және Арыстанбеков Бауыржан оқу-жаттығу жиынына қатысуда. Бұл оқу-жаттығу жиыны Грузияның Тбилиси қаласында өтетін Әлем кубогына дайындықтың I кезеңі болып табылады. Спортшыларымыз арнайы сүйемелдеушілерімен бірге жаттығуда.

3-14 ақпан аралығында Әл-Қассим  қаласында паравелоспорттан Азия чемпионаты өтті.
H2 санатындағы жеке жарыс қорытындысы бойынша:
Картбай Берік— күміс жүлде иегері атанды.
Бұл — Қазақстан тарихындағы H санатындағы (handcycle) алғашқы Азия чемпионатының жүлдесі!
Спортшымыз жоғары шеберлік пен мықты ерік-жігер көрсетіп, ел намысын абыроймен қорғады.