Месяц: Март 2026

23–31 наурыз аралығында Тараз қаласында есту қабілеті зақымдалған 21 жасқа дейінгі спортшылар арасында Қазақстан Республикасының чемпионаты өтті.

Аталған жарыста 7 команда, 30-дан астам спортшы бақ сынады.

Елорда құрамасы бұл чемпионатта сенімді ойын өрнегін көрсетіп, жекелей және командалық есепте жоғары нәтижелерге қол жеткізді:

Усманов Диас:
🥇 классика
🥇 жұпталған рапид
🥇 командалық блиц
🥈 рапид
🥈 блиц

Төреқұл Мүслім:
🥇 командалық блиц
🥇 жұпталған рапид
🥉 классика
🥉 блиц

Қорытындысында елордалық команда жалпы командалық есепте 1 орынды иеленді.🏆

2026 жылғы 25–30 наурыз аралығында Испанияның Коста-Брава қаласында пара үстел теннисінен ITTF World Para Future ашық халықаралық турнирі өтті.

Әлемнің 30-дан астам мемлекетінен жиналған 200-ге жуық спортшы бақ сынаған байрақты бәсекеде елордалық спортшыларымыз жоғары нәтиже көрсетіп, жүлделі орындарға ие болды:

Жекелей санатта:
🥉 Степанова Александра — 3 орын

Әйелдер жұбы санатында:
🥉 Степанова Александра — 3 орын
🥉 Таш Балзия — 3 орын

Аралас жұп санатында:
🥉 Ержанқызы Алтынай — 3 орын

Спортшыларымызды жеңістерімен құттықтаймыз!

28 наурыз күні Астана қаласында мүмкіндігі шектеулі балалар, жастар және ересектер арасында пара каратэ және сурдо каратэден қала чемпионаты өтті. Аталған жарысқа 5 жастан 45 жасқа дейінгі барлығы 50 спортшы қатысып, ката бағдарламасы бойынша өзара бақ сынады.

«Пара және сурдо каратэнің танымалдығы өте жоғары. Спортшылар саны бойынша Астана қаласы республикада көш бастап тұр. Сонымен қатар, 2023 жылы елордада алғаш рет пара каратэден инклюзивті әлем чемпионаты өтіп, бұл спорттың қарқынды дамуына серпін берді», — деді Пара каратэ федерациясының президенті Мейрамгүл Дукуева.

Балалар арасындағы нәтижелер:
🥇 Алтын — 8
🥈 Күміс — 2
🥉 Қола — 2

Ересектер арасындағы нәтижелер:
🥇 Алтын — 10
🥈 Күміс — 4
🥉 Қола — 3

Айта кетейік, жарыс қорытындысы бойынша жеңімпаздар сәуір айында өтетін Қазақстан Республикасының чемпионатына қатысу мүмкіндігіне ие болады.

2026 жылғы 23–27 наурыз аралығында Тараз қаласында пара армрестлингтен Қазақстан Республикасының чемпионаты өтті.

Аталған жарысқа еліміздің 15 облысынан, сондай-ақ Астана және Шымкент қалаларынан келген спортшылар қатысып, жалпы саны 17 команда және 295 спортшы бақ сынады.

Астана қаласының атынан 11 спортшы қатысып, төмендегідей нәтижелерге қол жеткізді:

🥇 Буркитов Бекзат — 1 орын
🥇 Антропов Сергей — 1 орын
🥇 Макенай Есенгельды — 1 орын

🥈 Балтабай Нұрлан — 2 орын
🥈 Кабулов Асхат — 2 орын
🥈 Абдеханов Арыслан — 2 орын
🥈 Ескенов Ербол — 2 орын
🥈 Рыжкова Татьяна — 2 орын
🥈 Нұрқожа Шерхан — 2 орын

🥉 Анашова Нигора — 3 орын

Спортшыларымызды жетістіктерімен құттықтаймыз және алдағы жарыстарда толағай табыс тілейміз!

Наурыз мейрамына орай мекемелер арасында ұйымдастырылған «Ата салтым – асыл қазынам» атты байқауда Астана қаласының дене шынықтыру және спорт басқармасының мекеме ұжымдары жүлделі II орынды иеленді.
Бұл жетістік – ұлттық құндылықтарды дәріптеп, салт-дәстүрімізді насихаттау жолындағы еңбегіміздің нәтижесі. Ұжымымыздың бірлігі мен белсенділігінің арқасында осындай табысқа қол жеткіздік.

2026 жылғы 24–25 наурыз күндері Грузияның Тбилиси қаласында пара дзюдодан Әлем кубогы өтті. Аталған жарысқа 24 елден 163 спортшы қатысты. Оның ішінде 94-і ерлер, 69-ы әйелдер.

Асылан Нұрдәулетов J1 санаты бойынша 70 келіге дейінгі салмақ дәрежесінде белдесіп, 🥉 қола медаль иеленді.

Жалпы, Қазақстанның пара дзюдо құрамасы бұл Әлем кубогында 7 медаль жеңіп алып, медальдық есепте Бразилия құрамасы мен бейтарап паралимпиадалық спортшылардан кейін үшінші орынға тұрақтады.

2026 жылғы 7–25 наурыз аралығында Түркияның Анталья қаласында тірек-қимыл аппараты зақымдалған спортшылар арасында пара каноэден Әлем кубогының алдындағы оқу-жаттығу жиыны өтуде. Аталған жиынға Армия Мейржан қатысып, алдағы жарысқа дайындалуда.

8 наурыз бен 22 наурыз аралығында Алматы облысы, Алексейвка базасында пара дзюдодан оқу-жаттығу жиынының II кезеңі өтуде.

Аталған оқу-жаттығу жиыны – Грузияның Тбилиси қаласында өтетін Әлем кубогына дайындықтың маңызды кезеңдерінің бірі.

Қазіргі уақытта спортшыларымыз арнайы сүйемелдеушілерімен бірге қарқынды түрде жаттығу жұмыстарын жүргізуде.

Сурдо шахматтан жастар мен жасөспірімдер арасындағы Қазақстан Республикасының чемпионаты алдындағы оқу-жаттығу жиыны 10–19 наурыз аралығында өтті.

Аталған оқу-жаттығу жиыны спортшылардың алдағы ел чемпионатына тыңғылықты дайындалуына бағытталды. Жиын барысында қатысушылар тактикалық және стратегиялық дайындықтарын жетілдіріп, тәжірибелерін шыңдады.

Сонымен қатар, жаттығу процесі спортшылардың ойын шеберлігін арттырып, жарыс алдындағы дайындық деңгейін көтеруге мүмкіндік берді.

Елордада мекеме қызметкерлері арасында, «Ата салтым- асыл қазынам» атты Наурыз мейрамы кең көлемде аталып өтті

Ұлттық құндылықтарды дәріптеуге бағытталған мерекелік іс-шара жоғары деңгейде ұйымдастырылып, қатысушыларға ерекше көңіл-күй сыйлады.
Іс-шара барысында әр мекеме ұжымы «Қызғалдақ», «Бәйшешек» сынды өз атауларымен топ құрып, қазақ халқының бай салт-дәстүрлерін сахналық көріністер арқылы кеңінен насихаттады. Көрермендер ұлттық болмысымызды айшықтайтын әдет-ғұрыптарды тамашалап, ерекше әсер алды.

Сонымен қатар, мерекелік бағдарлама аясында ұлттық спорт түрлері де назардан тыс қалмады. Қатысушылар Армрестлинг, Арқан тарту, Тоғызқұмалақ сияқты ойындарда бақ сынап, өз шеберліктерін көрсетті. Жарыс барысында қызметкерлер тек кәсіби салада ғана емес, спортта да белсенді әрі мықты екендіктерін дәлелдеді.

Әсіресе, қол күрес сайысында ер азаматтармен қатар нәзік жандылардың да белсенділік танытуы көпшіліктің көңілінен шықты. Бұл өз кезегінде ұжымдағы бірлік пен теңдіктің жарқын көрінісіне айналды.

Осындай мазмұнды шаралар ұлттық дәстүрімізді жаңғыртып, ұжымдық рухты нығайтып, салауатты өмір салтын қалыптастыруға үлкен үлес қосады.
Наурыз мейрамы құтты болсын! 🌷