Месяц: Декабрь 2025

Бүгін Астана қаласы әкімдігінің мүмкіндігі шектеулі тұлғаларға арналған «Елорда» спорт клубы 2025 жылды қорытындылап, спортшыларымыз бен жаттықтырушыларымызды марапаттау рәсімі өтті.

Биыл елордалық спортшылар пара спорт және сурдо спорт тарихында айрықша із қалдырды. Жыл қорытындысы бойынша спорт клуб жалпы саны 600-ге жуық медаль иеленіп, соның ішінде 500-і республикалық және 100-ге жуығы халықаралық жарыстардан топ жарып, маңдай тер мен табанды еңбектің нақты нәтижесін көрсетті.

2025 жылы спортшыларымыз халықаралық ареналарда да өз шеберліктерін паш етіп, көк Туымызды биікке көтере білді. Әсіресе Сурдлимпиада ойындарының жеңімпаздары мен жүлдегерлерінің жетістігі — баршамыз үшін үлкен мақтаныш. Сонымен қатар, Біріккен Араб Әмірлігінде өткен жасөспірімдер арасындағы V Пара Азия ойындарында да спортшыларымыз жоғары нәтиже көрсетіп, еліміздің намысын абыроймен қорғады.

Осы жылғы ең үлкен жетістіктердің бірі — төрт жылда бір өтетін VII Республикалық Пара Спартакиадада Астана қаласының спортшылары жалпы командалық есепте 1-орын иеленіп, қарсыластарынан оқ бойы озып шықты.

Бұл жетістіктер Астана қаласында пара және сурдо спорттың жүйелі түрде дамып келе жатқанын және командалардың бәсекеге қабілеттілігінің артқанын көрсетеді. Осы нәтижелердің дәлелі ретінде «Елорда» спорт клубы 2025 жылы Астана қаласы бойынша «Жылдың үздік спорттық ұйымы» номинациясының жеңімпазы атанды.

Осы жолда аянбай еңбек еткен жаттықтырушыларға, мамандарға, ата-аналарға және барлық қолдаушыларға алғыс білдіреміз.

«Өткен жылға өкпе жоқ, келер жылдан үміт көп» демекші, алда 2026 жылы күз айында Жапония мемлекеті Нагоя қаласында ересектер арасында Пара Азия ойындары, сурдо спорт түрлерінен Қазақстан Республикасының IV Спартакиадасы, сондай-ақ Азия–Тынық мұхит чемпионаттары күтіп тұр.
Біз сенеміз: қайсар рухты, жігері жалындаған спортшыларымыз бұл жолы да жаңа биіктерді бағындырып, ел мерейін асқақтатады.

Баршаңызға зор денсаулық, жаңа жеңістер мен толағай табыс тілейміз!

Continue reading ««ЕЛОРДА» СПОРТ КЛУБЫНЫҢ 2025 ЖЫЛҒЫ ҚОРЫТЫНДЫ ІС-ШАРАСЫ ӨТТІ! 🏆🥳»

Бейбітшілік және келісім сарайында өткен салтанатты іс-шарада 2025 жылғы спорт саласындағы негізгі бағыттарды қамтитын 14 номинация бойынша Namys спорт сыйлығы табысталды.
Шараның құрметті қонақтары ретінде Қазақстан Ұлттық Олимпиадалық комитетінің бас хатшысы Әлімжан Ақаев, ҚР туризм және спорт министрінің орынбасары Серік Жарасбаев, Астана қаласы әкімінің орынбасары Ерік Мейірхан қатысты.
Елорданың үздік спортшылары әртүрлі номинациялар бойынша марапатталды. Соның ішінде «Елорда» спорт клубы бірнеше номинация бойынша жеңімпаз атанды!
2025 жыл – «Елорда» спорт клубы үшін биік белестер мен жарқын жетістіктерге толы жыл болды. Осы кезеңде спорт клубымыз еліміздің параспорт картасында өз орнын айқындап, беделін нығайтты. Сол жетістіктің дәлелі ретінде клубымыз «Жылдың үздік спорттық ұйымы» номинациясының жеңімпазы атанды!
Бұл номинацияның артында «Елорда» спорт клубының тұрақты дамуына үлес қосып келе жатқан спортшыларымыз, ата-аналарымыз, жаттықтырушыларымыз, жүргізушілер бен әріптестеріміздің қажырлы еңбегі мен жүйелі командалық жұмыстын арқасында деп санаймыз.
Сонымен қатар, ағымдағы жылы клуб республикалық және халықаралық жарыстарда 587 медаль еншіледі. Сондай-ақ, ҚР VII Пара Спартакиадасында 17 спорт түрінен жалпы командалық есепте жеңімпаз атандық!
Үздік спортшыларымыз да жеке номинациялармен марапатталды:
«Жыл серпіні» – Әли Тұрғанбеков
Желтоқсан айында Біріккен Араб Әмірлігінде өткен жасөспірімдер арасындағы V Азия Пара ойындарында пара жүзуден сынға түсіп, 1 алтын, 3 күміс медаль иеленді.
«Үздік параспортшы» – Никита Ермаков
Ол қыркүйек айында пара қол күрестен өткен әлем чемпионатында топ жарды. Сондай-ақ пара оқ ату бойынша қазан айында Біріккен Араб Әмірлігінде өткен Әлем кубогында қола медаль иеленді.
«Паралимпиадалық спорттың үздік жаттықтырушысы» – Михаил Бурчалин
Ол параспортшылар Никита Ермаков пен Париж Паралимпиадасының қатысушысы Севда Алиеваны дайындайды. Пара оқ ату спорт түрінен Астана қаласының қарқынды дамуына үлес қосып келеді.
Құрметті спортшылар, әріптестер! Сіздерді жеңістеріңізбен шын жүректен құттықтаймыз! Бұл – тек бастама, алдағы уақытта бұдан да биік марапаттар мен жеңістер сіздерді күтеді. Осындай жетістіктер – біздің ортақ жеңісіміз! Астана қаласының Дене шынықтыру және спорт басқармасына, спортшыларымыздың, жаттықтырушыларымыздың және мамандардың жұмыстарын бағалағанына алғысымыз шексіз.

13–17 желтоқсан аралығында Бразилияның Сан-Паулу қаласында пара дзюдодан әлемдік Гран-при жарысы өтті. Дүбірлі додаға 9 елден 90-ға жуық спортшы қатысты. Қазақстан құрамасының сапында елорда намысын қорғаған Нұрдаулетов Асылан J1 -70 кг салмақ дәрежесінде қола жүлдеге ие болды.
Құттықтаймыз!

V пара Азия ойындарында пара үстел теннисінен жекелей сында Алтынай Ержанқызы қола медаль иеленді.

🔹 Айтулы додада пара үстел теннисінен 20 елден 100-ге жуық спортшы бақ сынады. Қазақстан құрамасы сапында өнер көрсеткен Алтынай Ержанқызы жоғары деңгейдегі шеберлігін көрсетіп, ел қоржынына жүлде салды. Сонымен қатар, аралас жұптық сында Алтынай Ержанқызы мен Атырау облысының спортшысы Әли Махулбековпен өнер көрсетіп, жеңімпаз атанды.

Құттықтаймыз!

Пара жүзуден Қазақстан құрамасының сапында Елорда спорт клубының атынан сынға түскен Тұрғанбеков Али мен Қалиева Аделя жоғары нәтиже көрсетті.

Қалиева Аделя (12–15 жас)
🥇 200 м кешенді жүзу
🥇 100 м еркін стиль
🥇 400 м еркін стиль
🥇 50 м еркін стиль

Тұрғанбеков Али (17–18 жас)
🥇 100м брасс
🥈 100 м еркін стиль
🥈 50 м еркін стиль
🥈 100 м шалқалап жүзу

Сонымен қатар, Аделя 200 м кешенді және 400 м еркін стиль дистанцияларында «Спорт шебері» нормативін орындады!

Жас спортшыларымызды шын жүректен құттықтаймыз.

Дубайда 2025 жылғы Азия жасөспірімдер Пара ойындары ресми түрде басталды. Бұл – Азия құрлығындағы жас пара-спортшыларға арналған ең ірі халықаралық жарыстардың бірі.

Айтулы бәсекеде пара пауэрлифтингтен Қуаныш Рахатұлы мен Вазир Надыров қола медаль еншіледі.. Қуаныш 54 кг салмақ дәрежесінде 107 кг нәтижемен сынға түсіп, үздік үштікке енді. Ал Вазир 59 кг салмақ дәрежесінде 115 кг нәтижемен қола медальға қол жеткізді.

Қазақстан құрамасы бұл ойындарға 9 спорт түрінен 60-тан астам спортшымен қатысуда. Ел намысын қорғайтын спортшылар қатарында елордалық Тұрғанбеков Али, Қалиева Аделя, Ержанқызы Алтынай, Рахатұлы Қуаныш, Надыров Вазир және Алмат Ерхат бар.

Құттықтаймыз!

10 желтоқсан күні Дубай қаласында (БАӘ) тірек-қимыл аппараты және көру қабілеті зақымданған жасөспірімдер арасындағы V пара Азия ойындарының ресми ашылу салтанаты өтті. Салтанатты шеруде Қазақстан Республикасының Мемлекеттік Туын пара пауэрлифтинг спортшысы Вазир Надыров абыроймен алып шықты.

«Халықаралық жарыста Қазақстанның көк байрағын алып шығу – мен үшін үлкен мәртебе. Бұл – маған артылған сенім әрі үлкен жауапкершілік. Осы сенімді ақтау үшін жарыста бар күшімді жұмсаймын», – деді Вазир Надыров.

🔹 Биылғы жарысқа әлемнің 45 елінен 12–23 жас аралығындағы 1300-ден астам спортшы қатысуда.
Астана қаласының атынан Қазақстан құрамасының сапында 5 спорт түрінен 7 спортшы өнер көрсетеді:

Пара жүзу – Тұрғанбеков Али, Қалиева Аделя
Пара пауэрлифтинг – Надыров Вазир, Рахатұлы Қуаныш
Пара үстел теннисі – Ержанқызы Алтынай
Бочча – Ерхат Алмат
Жеңіл атлетика – Ордабай Дастан

Жас спортшылар ел намысын абыроймен қорғап, жоғары нәтижелер көрсетуге ниетті!

♟️2–7 желтоқсан аралығында Филиппиннің Тагайтай қаласында шеберлігі ерекше спортшылар арасында үшінші Азия чемпионаты өтті. Бұл додаға 6 елден 40-қа жуық спортшы қатысты.
🔹 Шахматшылар Open, Women, Juniors және Girls U20 санаттарында 90+30 классикалық бақылауымен бақ сынады.
🔹 Камбарова Айғаным U20 классикалық санатында – 🥇 1-орын
Блицте – 🥉 3-орын
Командалық сында – 🥈 2-орын иеленді.
Қазақстан құрамасы жалпы командалық есепте 2-орынға ие болды.
Спортшымызды құттықтаймыз!