Category: Жаналыктар

Боччадан Жақсылық Үшкемпіров атындағы Жекпе-жек спорт сарайында үшінші Қазақстан чемпионаты басталды.

Кейінгі 2 жылда бұл спорт түрі танымалдыққа ие бола бастады. Себебі қысқа ғана уақытта Қазақстан чемпионатынан бөлек, былтыр бірінші рет Қазақстан кубогі, Сұлтанбек Орынбасаровты еске алуға арналған турнир т.б біршама жарыстар ұйымдастырылды. Қазақстан ұлттық құрамасы сапына кірген пара спортшылар 2023 жылы Азия Пара ойындарында алғаш рет бақ сынады.

«Боччадан Қазақстан чемпионаты жаңа деңгейге көтеріліп отыр. 2023 жылы біріншілікке 47 пара спортшы қатысса, биыл олардың саны 90-ға жуықтады. Паралимпиадаға кіретін пара спорт түріне қызығушылық уақыт өткен сайын артып жатыр. Қазіргі сәттің өзінде республикамыздың 10 өңірінде филиалдарымыз жұмыс істеп жатыр. Ұлттық құрама сапында 41 отандасымыз бар. Енді ғана дамып жатқан пара спорт түрінде халықаралық турнирлерде алғашқы жүлделер де қоржынымызға түсе бастады. Мамыр айының ортасында Финляндияда өткен халықаралық додада жеке сайыстан Қуаныш Асқарбеков пен командалық бәсекеде қола жүлдеге ие болдық. Бұл біздің жетістіктеріміздің бастауы деп білемін. Алдағы уақытта қола жүлде күміс пен алтынға айналады деп сенемін. Осы пара спорт түрін қолдап отырған ҚР Президенті Қасым-Жомарт Тоқаевқа алғысымды білдіремін. Боччамен айналысып жатқан барша жандар мен ата-аналарға ерекше рақметімді айта отырып, бәріңізге сәттілік тілеймін», – деді Парламент Сенатының төрағасы, Қазақстан бочча федерациясының президенті Мәулен Әшімбаев ашылу салтанатында.

Биылғы жарыстың басты ерекшелігі – командалық және жұптық бәсекеде жүлделер сарапқа салынып жатыр.

Айта кетейік, боччадан Қазақстан чемпионаты 31 мамырға дейін жалғасады.

17 – 19 мамыр аралығында Сингапур қаласында пара жүзуден әлемдік сериясы өтті. Аталмыш жарысқа 21 елден 126 – дан астам спортшы сынға түсті. Пара жүзуден бас жаттықтырушы Айдар Картпаев:

«Пара жүзуден классификациялық әлем сериясы өтті. Ұлттық құрама қатарында Кенжебек Диас, Жұмағали Нұрдаулет, Далиев Сиязбек, Габидуллина Зульфия өнер көрсетті. Елордалық пара спортшы Сиязбек Далиев жарыстың 1 – 2 күндеріның қорытындысы бойынша 50 м баттерфляй мен 50 м арқамен жүзу дистанциялары бойынша қола медаль иеленді. Әлем сериясы – паралимпиадалық ойындары алдында норматив бойынша минималды ұпай санын беретін классификациялық жарыс болып есептеледі. Алдағы уақытта да әлемдік деңгейдегі халықаралық жарыстар бар. Ұлттық құрама лицензияны иелену тер төгіп, аянбай еңбектенуде. Жақсы нәтиже көрсетеміз деген үміттемін» – деді.

Бүгін елордада екінші мәрте ұйымдастырылып отырған «Run for Autism» қайырымдылық жарысына қатысушылар «Таза Қазақстан» акциясына қолдау көрсетті. «Run for autism» шарасы Астана қаласы әкімдігі, «Болашақ» корпоративтік қоры мен өзге серіктестердің қолдауымен ұйымдастырылды.

Жүгірісті қолдауға қала тұрғындарынан бөлек, Парламенті Сенатының Төрағасы Мәулен Әшімбаев, бокстан Рио Олимпиадасының күміс жүлдегері әрі қалалық спорт басқармасының басшысы Василий Левит, Астана қаласы әкімінің орынбасары Есет Байкен 5 шақырымда арнайы қатысты.

Қайырымдылық жүгіріске қатысуға Астана, Алматы, Павлодар, Қарағанды, Орал, Өскемен, Қызылорда, Көкшетау, Екібастұз, Степногорск, Талдықорған, Шахтинск, Ақтөбе, Семей, Арқалық, Атырау, Қостанай қалаларынан барлығы 2330 адам өтінім білдірген. Жүгіріске кәсіби және әуесқой спортшылар, ерекше балалармен жұмыс істейтін мамандар, дамуында ерекшеліктері бар 120 бала, ата-аналар және т.б. қатысты.

Бүгінгі жарысқа Астана қаласының пара спортшылары да қатысты. Астана қаласы әкімдігінің «Мүмкіндіктері шектеулі тұлғаларға арналған «Елорда» спорт клубы» КММ ата-аналар тобының төрайымы Пернеш Әбдікәрімова аутизмі бар балаларды қолдауға арналған шара өзінің менталдық бұзылысы бар ұлы Қадыржанның туған күнімен тұспа тұс келгенін айтты. Жарыс алдында Шәріп Қадыржанға ұйымдастырушылар құрмет көрсетіп, сертификат табыс етті.

Run for autism шарасына қатысушылардың бірі бұған дейін бірнеше марафондарды бағындырған, Арбадағы үлкен теннистен ел Чемпионатында, Қазақстан Кубогінде жүлделі орындар алған, BNP Paribas Әлем кубогы Азиа іріктеу кезеңіне қатысушы Дінмұхамет Әлияқпаров азаматтарды ізгі іспен айналысып, қайырымдылық жасауға шақырды.

Run for Autism қайырымдылық жарысы қорытындыланған соң қатысушылардың барлығы «Таза Қазақстан» акциясына қолдау көрсетті. Олар спортшылар жүгіріп өткен жолдар мен айналаны қоқыстардан, қағаз бен басқа да пластик бұйымдардан тазартты.

Астана қаласының Дене шынықтыру және спорт басқармасының басшысы Василий Левит мүгедектігі бар спортшылармен кездесіп, оқу – жаттығу барысын бақылады. Кездесу барысында спортшылар тілдесіп, түйіткілді мәселелерді атап, алдағы уақыттағы жоспарларымен бөліскен болатын. Басқарма басшысы Василий Алексеевич рухы мықты спортшыларға алдағы уақытта республикалық, халықаралық жарыстар алдында сәттілік тілеп қайтты.

Олимпиадалық қозғалысты насихаттау және спортшыларымызды қолдау мақсатында арнайы іс-шара өтті.

Отандық спорт үшін 2024 жылдағы басты дода – Париж Олимпиадасы мен V Дүниежүзілік көшпенділер ойыны. Осы орайда бокстан Лондон Олимпиадасының чемпионы Серік Сәпиев, ауыр атлетикадан 2 дүркін әлем чемпионы Светлана Подобедова, парапауэрлифтингтен Рио Паралимпиадасының күміс жүлдегері Раушан Қойшыбаева салтанатты іс-шараға қатысып, әлемдік бәсекеге қатысатын жерлестерімізге сәттілік тіледі.

Париж Олимпиадасының басталуына 70 күн, Париж Паралимпиадасының басталуына 102 күн, V Дүниежүзілік көшпенділер ойынының басталуына 111 күн қалды.

Аз ғана мерзім қалса да, отандастарымыз әлі толыққанды жолдама алмады. Дәл қазіргі сәтте спорттық гимнастика мен үстел теннисінен спортшыларымыз Өзбекстанда бақ сынап жатса, брейкинг пен құзға өрмелеушілеріміз Қытайда лицензияға таласуда. Бүгінгі шараның өткеніне өте қуаныштымын. Барлықтарыңызды қолдауға және салауатты өмір салтын ұстануға шақырамын, – деді Лондон Олимпиадасының чемпионы Серік Сәпиев.

Әзірше Париж Олимпиадасы бойынша Қазақстан қоржынында 51 лицензия бар.

Париж Паралимпиадасының жолдамасына Астана қаласынан 5 параспортшы әлі таласып жатыр. Парадзюдодан шешуші ұпай үлестірілетін жарыс Тбилисиде ұйымдастырылып, маусым айында толық рейтинг жарияланады. Дәл қазіргі сәтте Ақмарал Науатбек әлемдік рейтингте 1-орын, Ерғали Шамей 3-орында, Бауыржан Арыстанбек 6-орында тұр. Паратеннистен де Алтынай Ержанқызының мүмкіндігі бар. Ал паражүзуден Токио Олимпиадасының қатысушысы Сиязбек Далиев нормативті орындағанымен, әлі толық шешім шықпады.

Соңғы жылдардағы көрсеткіштерге қарап, елордамызда параспорт қарқынды дамып жатыр деуге негіз бар. Мысалы, 2018 жылы Джакартадағы Азия Пара ойындарына Астанадан 5 параспортшы қатысса, 2023 жылы Ханчжоуда олардың саны 2 есеге артты, – деді қалалық «Мүмкіндіктері шектеулі тұлғаларға арналған «Елорда» спорт клубы» КММ басшысы Азамат Тағаев.

Айта кетейік, қатысушылар тек қана танымал спортшыларды көріп қана қоймай, түрлі викторина сұрақтарына жауап берді.

20 – 22 сәуір аралығында Амман (Иордания) қаласында F20 халықаралық турнирде Елордалық пара теннисшілер олжалы болды. Спорттық додаға Үндістан, Өзбекстан, Ұлыбритания, Сауд Арабиясы, Ирак, Шри-Ланка, Кувейт, Сирия, Кипр, Йемен және Қазақстан елдерінің спортшылары сынға түсті.

Атап айтқанда, Таш Балзия әйелдер арасында 6 – 10 жекеше санатта және аралас – жұп XD17-20 санатта – 3 орынды иеленді. Ал Степанова Александра әйелдер арасында 4 жекеше санатта, аралас – жұп XD 7 – 10 санатта – 3 орын алды. Елордалық спортшылар намысты қолдан бермей, жарыс биігінен көрінді.

Таш Балзия жекелей ойында 3:0 есебімен Ирандық ADLEFI Tiba Mohammed Hameed жеңді. Аралас – жұп ойынында Өзбекстан елінің спортшысы Murodullaev Sunnatillo бірге өнер көрсетіп, БАӘ спортшысы SIRAJ Nasser Alhassany 3:0 есебімен басым түсіп, жүлделі 3 орынды иеленді.

Бұл турнирде Степанова Александра Үндістан елінің спортшысы RATHOD Ushabahen Ramjibhai жеңіп, Иордания елінің спортшысы AL AZZAM Fatmeh 3:2 есебімен тізе бүктірді. Сонымен қатар, аралас – жұп ойында Ұлыбриятания елінің спортшысы HEAPS Simon мен өнер көрсетіп, 3:0 есебімен Үндістандық SINGH Trivendra мен RATHOD Ushabahen Ramjibhai жұбы мен Иордания елінің спортшылары AL SHAMAILEH Mazen Mahd AL AZZAM Fatmeh жеңіп, жүлделі 3 орынды еншіленді.

Айта кетейік, 29 сәуір күні Таш Балзия мен Степанова Александра Подгорица қаласында (Черногория) өтетін пара үстел теннисінен халықаралық F20 турнирінде өнер көрсететін болады.

Бүгін Алматы төрінде жетінші рет ұйымдастырылған жартылай марафон өз мәресіне жетті. Оның аясында зияткерлік дамуы бұзылған спортшылар арасында жүгіру бойынша әлем чемпионаты (Virtus World Half Marathon & 10K Road Race Championships 2024) ұйымдастырылды. Оған 8 елдің спортшылары яғни, Португалия, Болгария, Жапония, Польша, Қытай, Испания, Швеция және Қазақстан қатысты. Қазақстан атынан алты спортшы өнер көрсетті. Оның бесеуі Астана қаласының спортшылары. Атап айтқанда, Әмір Алпамыс, Дастан Ордабай, Ерсайын Хасенов, Алдияр Аскаров пен Азамат Әшірбай.

8 мыңнан астам қатысушы әл-Фараби даңғылындағы Тұңғыш Президент саябағынан бастап Орталық стадионға дейін жүгірді.

Айтулы әлем чемпионатында Астана қаласының екі спортшысы 10 шақырымды бағындырып, жеңіс тұғырынан көрінді. Дәлірек айтсақ, ii3 санатында өнер көрсеткен Дастан Ордабай 47 минут 41 секунд ішінде жүгіріп өтіп алтыннан алқа тақты. Ал, Азамат Әшірбай  51 минут 48 секунд ішінде жүгіріп күміс жүлдегер атанды.

Іс-шараны «Бірінші болу батылдық» қоры мен Алматы қаласы әкімдігінің қолдауымен ұйымдастырды.

Түркістанда есту қабілеті зақымданған спортшылар арасында дзюдо күресінен әлем чемпионаты аяқталды. Бас аяғы Қазақстан тарапынан 24 спортшы өнер көрсетті.

Айтулы бәсекеде, Астана қаласының спортшысы Сабыржан Хапизов (+100 кг) жеңіс тұғырынан көрінді. Ол жарыстың екінші күнінде ел қоржынына үшінші қола жүлдені сыйлады.

Елімізде тұңғыш рет өткізіліп отырған байрақты бәсекеге әлемнің 24 елінен 200-ден астам спортшы бақ сынады.

Осылайша, Қазақстан сурдо дзюдо құрамасы әлем чемионатының жекелей жарысын 3 алтын, 6 күміс және 4 қола жүлдемен жалпыкомандалық кестесінде жалпыкомандалық ІІ орынмен аяқтады. Ал командалық чемпионатта ерлер құрамасы алтыннан алқа тақса, әйелдер құрамасы қола жүлде еншіледі.

Байрақты бәсекеде ел намысын қорғаған елордалық Ерғали Шәмей 73 келіге дейінгі салмақта (J1) жарыстың қола жүлдегері атанды.

Қазақстан пара дзюдо федерациясы мәлім еткеніндей, Ерғали Шәмей 73 келіге дейінгі салмақта J1 санатында үздік үштікке ілікті.

Аталған байрақты бәсекеге елімізден барлығы 17 спортшы қатысты.

25 – 30 наурыз аралығында Бішкек қаласында сурдо таеквондодан 2 – ші Әлем чемпионаты өтті.

Аталмыш спорттық додода Елордалық спортшы Ахметов Руслан 2 орын иеленді.

Айта кетейік, ел намысын жас спортшы Затаева Адэляда қорғады.Әлем чемпионатына 20 елден 200 – ге жуық спортшы бақ сынады.

Сурдо таевквондо спортшысы Ахметов Руслан:

“Жетістікке жетуімен себепкер болған жаттықтырушыма алғыс білдіремін. Маған әрқашан қолдау білдіретін, сенім артатын, жігерлендіретін.Бұл әлем чемпионатына 6 ай көлемінде дайындалдық.Ел намысын аянбай қорғайтын боламыз.Бұл – тек бастамасы”- деді.