Category: Жаналыктар

17 – 24 маусым аралығында Тараз қаласында пара жүзуден жастар мен жасөспірімдер арасында Қазақстан Республикасының чемпионаты өтті. Жарысқа еліміздің 13 өңірінен 100 – ге жуық пара спортшы сынға түсті. Жастар мен жасөспірімдер арасында пара жузуден Қазақстан Республикасының чемпионатында Елорда құрамасы 17 алтын, 9 күміс, 5 қола медаль еншіленіп, жалпы командалық 2 орынды иеленді. Сондай – ақ, 4*50 кешенді жүзу эстафетасы бойынша 3 орын, 4 * 50 еркін стильде жүзу эстафетасы бойынша 2 орын алды.( Наметуллаев Ерсұлтан, Калиева Аделя, Мырза Абдурахим, Нұртай Қуаныш)

Пара жүзуден жаттықтырушы Бахытжан Жұмабаев:

« Ел біріншілігі Астана құрама командасы үшін сәтті өтті. Наметуллаев Ерсұлтан, Тұрғанбеков Али, Мырза Абдурахим, Калиева Аделя жастар құрама команда қатарынa еніп, 2025 жылы Ташкент қаласында өтетін Азия чемпионатына жолдама алды. Бұл жеңіс – еңбекпен келді. Қатарға жаңадан қосылған спортшылар үшін аталмыш жарыс – жаңа серпіліс берді деп ойлаймын. Біз бұл нәтижемен шектелмейміз, бұл – тек бастамасы» деді.

22 – 23 маусым аралығында Ирландияның Дублин қаласында пара каратэден ІV инклюзивті әлем чемпионаты өтті. Жарысқа 9 елден 130-ға жуық спортшы қатысты. Нәтижесінде Астана қаласының спортшылары жоғары деңгейде өнер көрсетіп, жалпы командалық есепте екінші орынға ие болды.

Жарыс нәтижесін ұсынамыз:

🥇🥈Жүсіпова Ләззат – 1 орын 2 орын (командалық ката)

🥇Мұхамеджанов Дидар – 1 орын;

🥇🥈Билялов Рустам – 1 орын, 2 орын (командалық ката)

🥈🥈Жәннетова Нұржайна – 2 орын, 2 орын (командалық ката)

Атап айтқанда XX қысқы Сурдлимпиада ойындарында Қазақстан ерлер құрама командасы классикалық шахматтан қола медаль жеңіп алған болатын. Ұлттық құрама сапында Астана қаласының спортшысы Сұлтан Қожахметов өнер көрсетті. Сондай-ақ сурдо таеквондодан өткен әлем чемпионатында жерлесіміз Ахметов Руслан күміс жүлдеге ие болды. Одан бөлек сурдо дзюдодан ІІ Әлем чемпионатында Сабыржан Хапизовта үздік үштіктер қатарынан көрінді.

Басқарма басшысы спортшыларды және олардың жеке бапкерлерін жыл басынан бері қол жеткізген жоғары нәтижелерімен құттықтап, Астана қаласының әкімі Жеңіс Махмудұлының құттықтауын жеткізіп, ақшалай сертификаттармен марапаттады.

Сонымен қатар, ХХ қысқы Сурдлимпиада ойындарында ел намысын қорғап, елордамыздың атын шығарған Қожахметов Сұлтанға бір бөлмелі пәтердің кілтін табысталды.

Спортшыларымыздың мұндай жоғары нәтижеге қол жеткізуіне жаттықтырушыларымыздың да елеулі үлестері жоғары екенін айрықша атап өткен жөн.

Бүгінде сары құрлықта кез-келген спорт түрінен бәсекелестік өте жоғары. Сол себепті, біз үшін әр медальдың, құны жоғары.

Лимож қаласында пара жүзуден әлемдік сериясы өтті. Айта кетейік, аталмыш жарыс Астаналық спортшылардың халықаралық дәрежедегі алғашқы жарысы. Тұрғанбеков Али төртінші класта – екінші орынға ие болды, ал Наметуллаев Ерсұлтан тоғызыншы класта үшінші орынды еншіленді.

Жарысқа еліміздің 17 өңірінен 90 спортшы қатысты. Жарыс нәтижелері бойынша Ахметов Руслан( 80 кг), Затаева Адэля( 62 кг) және Черняк Елена (48 кг)1 орынға ие болды. Сонымен қатар, Затаева Адэля пумсэ бағдарламасы бойынша жеке есепте – 2 орын, жұптық сында – 3 орын иеленді. Медальдар жиынтығы бойынша, Астана құрамасы жалпы командалық 3 орын алды.

31 мамыр мен 2 шілде аралығында Тараз қаласында ел біріншілігі өтті. Чемпионатқа еліміздің 15 өңірінен (Астана, Алматы, Жамбыл облысы, Абай облысы, Маңғыстау облысы, Түркістан облысы, Қарағанды облысы, Ақтөбе облысы, СҚО, БҚО, ШҚО, Павлордар облысы, Жетісу облысы, Қостанай облысы, Шымкент) 100 – ге жуық спортышлар тотамиде сынға түсті.

Жарыс нәтижесі бойынша Елорда құрамасы 2 алтын, 2 қола медаль иеленіп, жалпы командалық 3 орынды алды.

Жарыс нәтижесін ұсынамыз:

🥇Хапизов Сабиржан(+100 кг)

🥇Файзуллина Амина ( 70 кг)

🥉Бысыкатов Григорий ( 60 кг)

🥉Есмагамбетова Айнура ( – 57 кг)

25 – 31 мамыр аралығында Алматы қаласында пара оқ атудан ҚР чемпионаты өтті. Ел біріншілігіне 13 өңірден 60 – қа жуық спортшы қатысты. Елорда құрамасы 5 “алтын”, 2 “күміс”, 1 “ қола” медаль еншіленіп, жалпы командалық 1 орынды иеленді.

Пара оқ атудан жаттықтырушы Бурчалин Михаил жарыс туралы:

“Астана құрама командасындағы 5 спортшы 9 стартқа қатысты. Біз жоғары нәтиже көрсетіп, медальдік есепте бірінші орынды иелендік(Олимпиадалық есептеу жүйесі бойынша).

• Алиева Севда халықаралық дәрежедегі спорт шеберінің нормативін орындады
• Федюкин Виктор спорт шебері нормативін орындады.
• Оторбаев Ардак аталмыш жарысқа екі ай көлемінде дайындалғанына қарамастан, спорт шеберінің нормативін орындады.
• Төлегенова Айгерім спорт шебері нормативін орындады.
• Төлегенова Айгерім және Оторбаев Ардак пара оқ атумен аз уақыт айналысқанына қарамастан, керемет нәтиже көрсетуге кедергі болмады” – деді.

Бүгін Астанада 21 жасқа дейінгі есту қабілеті бұзылған спортшылар арасында сурдо-футзалдан әлем чемпионаты басталды.

Елорда төрінде алғаш рет 10 мемлекеттің қатысуымен сурдо- футзалдан ерлер арасында 21 жасқа дейінгі әлем чемпионатының алғашқы матчтары өтті.

«Сурдо-футзалдан 21 жасқа дейінгілер арасында бірінші әлем чемпионаты 2022 жылы 8 елдің қатысумен Малайзияда өтіп, Қазақстан құрамасы күміс жүлдеге ие болған еді. Міне сол жетістігімізді ескере келе, 2023 жылы келесі әлем чемпионатын біздің елде өткізуге шешім қабылдады. Бұл біз үшін тарих. Әрі 10 мемлекеттің болуы жоғары көрсеткіш. Бұйырса, осы жерде Ираннан кеткен есемізді қайтарсақ дейміз» — деді, сурдо-футбол және футзал федерациясының вице-президенті Қайрат Сейтбеков

Бұл әлем чемпионатына ойыншыларды іріктеу ішкі біріншіліктің қорытындысв бойынша жүргізілген. Вице-президенттің айтуынша, қазіргі сәтте Астана, Алматы, Шымкент мегаполистері, Қарағанды облысы, СҚО-да бұл спорт түрі жақсы дамып келеді. Бұның бір нәтижесі — 2022 жылғы әлем чемпионатынан қарағанда құрама 50-60%-ға жаңарған.

«Уақыт өткен сайын сурдо-футзал қарқынды дамып келеді. Оның бір мысалы — Астана төріне Тәжікстан, Украина, Бразилия, Таиланд, Оман секілді мемлекеттер бірінші рет бақ сынайды.

Біз үшін басты қарсыластар Иран, Украина, Бразилия деп санаймын. Бірақ барлығына сыйластықпен және жауапкершілікпен қараймыз» — деп, ұлттық құраманың қақпашысы Нысан Құрбанов.

Жерлестеріміз тұсау кесер матчында дебютант Тәжікстан құрамасымен жолығып, 36:1 есебімен тас-талқан қылып, жеңді. Бұл сурдо-футзалдан Қазақстанның ең ірі жеңісі ретінде тіркелді.

Айта кетейік, 10 маусымға дейін жалғасатын бәсекеге Әзербайжан, Сауд Арабиясы, Иран, Тәжікстан, Украина, Өзбекстан, Бразилия, Таиланд, Оман, Қазақстан елдері қатысып жатыр.

Боччадан Астанада өтіп жатқан үшінші ел чемпионатының шешуші жұптық және командалық сайыстар бойынша жеңімпаздары анықталды.

Астана қаласының жүлдегерлері:

Ересектер арасындағы жұптық сайыс бойынша (BC3 класс) Нұралы Нұрманқұл, Ярослав Осипенко 2-орынды иеленді.

Ал ересектер арасындағы командалық бәсекеде Итиана Шыңғысқызы, Меруерт Тілебалды, Ерхат Алмат 1-орынды қанжығалады.

«Елімізде бочча спортының негізін қалаушы Сұлтанбек Орынбасаровтың алғашқы шәкірттерінің бірі едім. 7 жылдан бергі уақытта Қазақстан чемпионатының жеке сайысында 2 мәрте қола жүлдеге ие болдым. Биыл бірінші рет командалық сайыс өткізіліп, өзім аңсаған чемпион атағына қол жеткіздім», – деді астаналық спортшы Ерхат Алмат.

2023 жылы ел чемпионатына 47 адам қатысса, биыл олардың саны 89-ға жеткен.

«Биылғы жарыс өте жоғары деңгейде өтті деуге болады. Себебі былтырғыға қарағанда қатысушылардың саны 2 есеге көп болды. 12 өңірден арнайы қатысты. Олардың ішінде БҚО, Түркістан облысы бірінші рет бақ сынады. Сондай-ақ жарыс барысында электронды табло қолданылды. Мұның бір ерекшелігі – турнирдің онлайн нәтижесін өзге елдер де көре алды. Осылардың барлығы елімізде боччаның жақсы деңгейде дамып жатқанын көрсетеді. Барлықтарыңызды құттықтаймын!» – деді ҚР Парламент Сенатының төрағасы, Қазақстан бочча федерациясының президенті Мәулен Әшімбаев.

Енді жерлестеріміз үшін осы жылғы басты жарыс саналатын әлем чемпионаты 14-22 қараша күндері аралағында Бахрейннің Манама қаласында өтеді.

Қазақстанда пара каратэ бойынша IV республикалық чемпионат өткізілді. Бұл мүгедектігі әртүрлі адамдарға арналған каратэ жекпе-жек өнерінің бейімделген түрі.

«Бұл спорт физикалық шектеулерге қарамастан барлығына каратэге қатысуға мүмкіндік беруге тырысады және күш, үйлестіру, төзімділік және өзіне деген сенімділік сияқты физикалық және психикалық қасиеттерді дамытуға ықпал етеді. Бұл спорт түрімен тірек-қимыл аппараты бұзылған, көру қабілеті бұзылған, Даун синдромы бар спортшылар, арба отырған адамдар айналысады. Қатысушылардың жасы 7-ден 60-қа дейін», – деді ҚР каратэ федерациясының президенті, ҚР каратэ-додан еңбек сіңірген жаттықтырушысы Мейрамгүл Дүкуева.

Пара каратедегі спортшылар мүгедектіктің түріне және дәрежесіне байланысты әртүрлі санаттарда жарысады. Жіктеу қатысушыларға тең жағдай жасауға және адал бәсекелестікті қамтамасыз етуге мүмкіндік береді.

«Негізгі пәндерге ката (формальды жаттығулар) кіреді – спортшылар техника және орындау бойынша төрешілер бағалайтын қозғалыстардың белгілі бір тізбегін орындайды», – деп жалғастырды ҚР каратэ федерациясының президенті.

Айта кетейік, бұл чемпионат осы жылдың желтоқсан айында Алматыда өтетін Азия біріншілігіне іріктеу болып саналады. Оған Ақмола, Атырау, Жамбыл облыстарынан, Шымкент және Орал қалаларынан 50 спортшы қатысты.